البواسر والشرخ الشرجي

السلام عليكم ورحمة الله وبركاته

طبعا انا اتكلم وانا في وسط تجربة من البواسير الله يكفينا الشر ويشفي كل مريض يارب
انا طبعا من الاشخاص الي ياكل الحار كنه يشرب مويه وجت فترة جتني 3 جراثيم
في البطن وجاني امساك وسوء هضم وبما اني ما احب المستشفيات قلت يمكن
كالعاده امساك ويروح بس طول معي وجلست حول 8 شهور مهمل نفسي رحت لمستشفى
حكومي بالرياض على كلام الناس الي حولي ان الحكومي بيهتم فيك اكثر من
المستشفيات الاهلية رحت اول مره والدكتور عطاني مسهل للبطن لمدة 15 يوم
والالم لسى موجود في البطن وهو الي سببلي الشرخ الشرجي والبواسير لاني كنت
ادخل الحمام الله يكرم السامعين واضغط على نفسي لين ما جاني شرخ شرجي ونزلت
البواسير رحت مره ثانيه الطوارىء وعطاني نفس الدوا وقالي انت محتاج عملية
قلت طيب انا مستعد اسويها الحين المهم ان الالم يروح قال لا الشغله مو كذا
لازم تجيب تحويل من منشأة صحية للمستشفى بعدين احنا نحولك على العيادات
الخارجية بعدين العيادات الخارجية ترفعها للجنة ويردون عليك طبعا جبت
التحويل رحت العيادات الخارجية حولوني للأدارة قالو بنردلك بعد 20 يوم انا
مو قادر اتحمل ساعه اصلن رحت سويتها على حسابي بعدها بفتره رجعلي الالم
وقام ينزل دم كثير بالهبل رحت لدكتور يقولي هذا شي طبيعي مع انه قال بعد
العملية شهر بتحس بألم والمشكله الالم الي جاني الحين اقوى من الشهر الي
بعد العملية لي 5 شهور مسوي العملية والالم كل يوم يزيد رحتله مه ثانيه
عطاني مرهم وحبوب توقف النزيف اهملت المرهم وكملت على الحبوب وما تغير شي
اهتميت بالمرهم والحين الحمدلله لا الم ولا شي مرتاح الي ابي اوصله ان اي
احد يسوي عميله لايخاف من الدم الي ينزل ويتحمل الالم ولا يهمل المرهم لأنه
مفيد ومعليش على الاطاله بس سويت الموضوع للفايده...