جمال
Admin
عدد المساهمات : 1537
تاريخ التسجيل : 09/04/2010
العمر : 34
 | موضوع: كيفية صنع باتش التعليق العربي  2012-06-29, 22:20 | |
| فى الاول لازم يكون عندك فيديوهات تعليق من مباريات كثيره ولكن انصحك بعدم تحميل مقاطع الفيديو من اليوتيوب عشان المقاطع الصوتيه الى بتاخدها من الفيديو الى من اليوتيوب هتقابلك مشاكل فيها فا معلش هتتعب وتنزل مباريات كامله حتى تستطيع الحصول على مجموعه كبيره من الجمل والاسماء .........
ثانيا لازم يكون عندك برنامج يكون بيحول مقاطع الفيديو من صوت وصوره لصوت فقط يعنى بدل ما تشوف المباراه تسمعها فقط
انصح ببرنامج GoldWave او Sound Editor Deluxe
رابط برنامج Sound Editor Deluxe
[ندعوك للتسجيل في المنتدى أو التعريف بنفسك لمعاينة هذا الرابط]
ثانيا تبتدى تقطع اسماء تفتح ملفات المباريات الصوتيه فقط بالبرامج السابق ذكرها وتبتدى تقطع الاسماء ......مثلا المعلق عمال يتكلم وفى وسط الكلام قال اسم الاعب خد اسم الاعب واعمله فى ملف لوحده واحفظه عندك فى الجهاز وهكذا حتى تصل الى اكبر عدد من اسماء الاعبين ولكن استمر فى اضافه اسماء كثيره وركز على الاعبين المعروفين او الفرق المشهوره مثل ريال مدريد و برشلونه....الخ
بعد ما توصل لعدد كبير من الاسماء يجى بقى الشغل الجد بص يا معلم اول حاجه انتا تحمل برنامج
PES_Sound_File_Converter_1.7
وده الرابط
[ندعوك للتسجيل في المنتدى أو التعريف بنفسك لمعاينة هذا الرابط]
الملف ده مهم جدا جدا لامه بيخليك تقدر تحول ملفات mp3 او wav لصيغه adxوهيا ديه الصيغه الى بتشتغل فى اللعبه يعنى من غيره مفيش باتش
هتبتدى تحول كل الاسماء الى انتا قطعتها من الماتشات الى انتا حملتها للصيغه adx
خلاص خلصت كل الاسماء وحولتها احنا كده عملنا مرحله صغيره اوى المهم المرحله الى جايه محتاجه برنامج والبرنامج ده اسمه GameGraphicStudio74
وده الرابط
[ندعوك للتسجيل في المنتدى أو التعريف بنفسك لمعاينة هذا الرابط]
بص بقا يا كبير انتا مش هتعرف تستخدم البرنامج غير لما تكون عارف انتا هتشتغل بيه على ملف اسمه ايه خد اسم الملف ومكانه كمان
اسم الملف الى هوا فيه التعليق بتاع اللعبه الى احنا هنبتدى نغير فيه dt00_e.img
مكانه بقا D:\pes2011\img هتلاقيه فى فولدر اسمه img وده هتلاقيه قدامك اول لما تفتح اللعبه
خلاص كدا عرفنا مكان الملف وعرفنا ايه الى فيه هنفتح البرنامج بتاع GameGraphicStudio74
وبعد كده نفتح الملف بتاع التعليق الى لسا قايلك عليه طبعا هتلاقيه جابلك ملفات كتير انتا مش فاهم حاجه منها يبقى لازم يكون معانا خريطه الاسماء عشان نعرف نشيل ميسى بالانجليزى ونحطه بالعربى
حمل بقا الخريطه
[ندعوك للتسجيل في المنتدى أو التعريف بنفسك لمعاينة هذا الرابط]
الخريطه بتتفتح ببرنامج اكسل وده اكيد عندنا كلنا الى احنا بنقول عليه مجموعه برامج اوفس
هتفتح الخريطه هتلاقيه جابلك كل اسامى الاعيبه تقريبا الى المعلق بيقول اساميهم وتشوف قدام كل لاعب الرقم بتاعه شوف مثلا ميسى انتا عندك ميسى بالعربى تتطلع ميسى من الخريطه وتشوف رقمه كام وتخلى ميسى الى بالعربى بنفس الاسم الى موجود فى الملف مثلا unnamed_رقم الاعب
وبالبرنامج الى بيفتح ملفات اللعبه بدل ميسى الى بالانجليزى لميسى الى بالعربى وخش وشوف من جوا اللعبه هل بينطق اسم ميسى بالعربى ولا لا لو مش بينطقه يبقى انتا عملت حاجه غلط وحاول تانى وجرب وجرب وجرب لغايه ما تبتدى تاخد على الطريق وفى الاول هتكون شغال ببطئ شديد انما مع الوقت مش هتحتاج تبص للشرح وهتعرف تشتغل من غير اى مشكله | |
|
