شو اخبار السوق بالامس؟

[b]

اهلا ابو هيثم

اسف بالنسبة للاخبار

لانو الدنيا شوب ورمضان وانتا عارف

بس اشاء الله راح احاول انزل السبت القادم

انا انزلت على السوق بالامس تقريبا الاسعار ثابتة

انا كنت بدور على لانسر

في كان ب 10 $ وكان في 6 دينار

بالنسبة للسيارة

بزيادة الف او الف ونص

بتجيب سبارو حديث او لانسر

او بتجيب رينو 9

سيارة ممتازة ومناسبة للخط

سعرها يتراوح بين 4 و4 ونص دينار



واي سؤال احنا في الخدمة

بارك الله فيك اخي المشاغب

وربنا يحفظك ويقدرك ويقدرنا علي رمضان


طيب هلا السوباروا الحديث بكام والانسر بكام

ومين افضل الاودي 83 ولا الرينو9؟؟

سامحنا ما نكون ثقلنا عليك

السبارو الحديث

من 8500 واطلع


اما الانسر تبدا من 6 الي 10 $

بالنسبة للاودي انا ما جربتها

اما الرينو سيارة عملية

وهي افضل من الاودي

حياك الله مره اخري اخي المشاغب

وسامحنا يا طيب غلبناك معنا لانوا بصراحه اول مره بخوض بهيك مواضيع وحابب اجيب سيارة واشتغل عالخط واصرف عحالي.

هلا انت بتحكي اما الانسر تبدا من 6 الي 10 $

دولار طبعا ولا كيف؟

وبدي نصيحتك هلا معروض علي سوباروا 83 لونها بيج ماتور 1600ترخيص عمومي داخلي قير عادي بودي وعفش فوق الجيد جدا الراجل بقول بس بتروح تغير زيت وبنزين ولا بتصل مكانيكي طالب فيها 4000 دينار الا شوي

هلا انا يلي ملاحظوا من الناس بترغب الحديث ولو شوي يعني
فهلا انا اجيب لانسر بحدود 7دولار وكيف بتكون حالتها ولا اجيب سوباروا يلي موجودة؟؟؟

ارجوا افادتي وسامحنا ياطيب

والسلام عليكم

الانسر زي ما تكرمت بالدولار

في واحد عندو لانسر بدو فيها 7 دولار

بس السيارة بدها شغل

من متور لقير لسمكرة لكهربة

اما النظيفة تقريبا بدها 9 $

بالنسبة للسبارو ازا كانت نظيفة وبدهاش شغل

يعني تشتريها وتزل على الشغل على طول

مش تعمل جولة على الميكانيكي والسمكري والكهربائي

حاول على 3500 حتا لو حبيت تبيع تعرف تبيع

وربنا يسهل

كلام اخونا المشاغب مزبوط

على 3500 دينار افضل

وانتا عارف السوق كيف

لما تبيع بقولو بتسوى 2500

ولما تشتري بقولو 4000

خليك على السبارو وجيبها نظيفة بتريحك

ولا تجيب لانسر تعبانة كل يوم على المكنيكي

زي ما بقول المثل

على قد لحافك مد رجليك

الله يفرجها علينا

تقبل مروري اخي محمود