سوق الثلاثاء 8/7

موضوع: سوق الثلاثاء 8/7 2012-08-07, 18:57

السلام عليكم

اليوم عملت جولة سريعة

لانو الدنيا نار

وبسراحة مقدرتش اتحمل

لا كن وضع السوق على ما هو علية

الاسعار مرتفعة

البيع واقف

والكل بيترقب كيف يصير الوضع بعد العيد

وازمة البنزين والسولار الجديدة

بعد تسكير المعبر والانفاق

الله يفرجها علينا

صور السوق اليوم

سوق الثلاثاء 8/7 1344336362111

انشاء الله في الايام الجاية بكون الوضع احسن

سوق الثلاثاء 8/7 CTA46487

موضوع: رد: سوق الثلاثاء 8/7 2012-08-07, 22:16

شكرا كثير علي مجهوداتك الرائعة الصراحة انو كلمة شكر قليلة عليك لما تبذله من تغطية لسوق السيارات بالأسعار وكمان الصور ( كأني روحت انا علي السوق )
بارك الله فيك

موضوع: رد: سوق الثلاثاء 8/7 2012-08-08, 02:49

بارك الله فيك

موضوع: رد: سوق الثلاثاء 8/7 2012-08-08, 06:38

الف شكر على الردود الحلوة

DEMO

موضوع: رد: سوق الثلاثاء 8/7 2012-08-08, 10:22

شكرا على مجهوداتك

السوق بعد العيد حيكون أمره مختلف ، بحيث أنه سيكون أنشط بكثير

موضوع: رد: سوق الثلاثاء 8/7 2012-08-08, 16:19

ما شاء الله

مجهود رائع تشكر عليه

هلا اخوي بالنسبه للصورة الاولي بكام الستر وين ؟؟
وهي صورة لنفس السيارة

وشو رايك في هيك سيارة مطلوب فيها 3.5 دينار

ونشتري هالوقت سيارة ولا نصبر بعد العيد مهي خربانه خربانه.

موضوع: رد: سوق الثلاثاء 8/7 2012-08-08, 21:59

كيف حالك اخي محمود

رمضان كريم

بالنسبة للستروين اي وحدة بتقصد

او بتقصد السكودا الي في الصورة

البودي مبين جيد

لاكن كيف الماتور والترخيص

هادي السيارة سعرها يتراوح بين 2500 الي 5500 دينار

قبل رمضان انباعت وحدة ب2500

ويوم السبت كانت وحدة 5500

اما قصة بعد العيد بتوقع

مش راح يتغير اشي في السوق

راح يضل وضع الترقب قائم

وخصوصا على السيارات القديمة

اي استفسار انا في الخدمة

موضوع: رد: سوق الثلاثاء 8/7 2012-08-09, 16:24

حياك الله اخي المشاغب

انا بقصد سيارة الستروين فولا يلي انا حطيتها بالصورة وهي شبيه بالسكودا فليشيا

شفتها السكودا يوم السبت مطلوب فيها 5500دينار

اما هاي الستروين كان طالب فيها 3500دينار

وسؤالين بدي اغلبك كثير الا لما اشتري سيارة واحليك ههههههههههه

هلا القولف 87 بكام؟؟

وهل بلاقي سياره ديزل لشغل الخط بحدود 7 دولار كاش وتكون قطعها متوفرة؟

وفي لانسر لواحد من دار السويسي بس ماتورها تعبان شو رايك فيها بحكي انو ماتورها بكلف 15 مليون بس .

انتظر ردك اخي وسامحنا مقدما لاني غلبتك والله معي

وعيد سعيد ان شاء الله

موضوع: رد: سوق الثلاثاء 8/7 2012-08-09, 17:56

كيف حالك

محمود

الستروين تقريبا سعرها من 3000 واطلع حسب النظافة

لاكن السيارة غير مرغوبة

القولف سعرها تقريبا من 9000 وفوق

لاكن غير مناسبة للخط ازا كنت جيبها للخط

اما سيارة السويسي انا اتفرجت عليها

صحيح كلامو الماتور 15 مليون

بس سيارتو بدها ماتور وبدها بواب وسمكرة ودهان

غير انها ماكلة ضربة قوية في الشنتة

ابعد عنها

وسيارات الديزل ممكن اودي او بيجو او القولف

لاكن انا بفضل البنزين

صحيح انو الكاز اوفر لاكن خرابة اكتر من البنزين

وماتور الكاز بيتعب السيارة

والبنزين ترخيصها اقل

اما ازا كانت السيارة نظيفة طبعا حيكون خرابها قليل

وربنا يوفقك ويوفقنا

موضوع: رد: سوق الثلاثاء 8/7 2012-08-09, 19:17

امين يارب

سامحنا يا طيب غلبناك معنا

ما النا الا ننزل كمان مرة عالسوق يوم السبت نتنور وبنفوت المنتدي نستفسر

ولبعد العيد يخلق الله ما يشاء

» اخبار السوق الثلاثاء 7/17