أنشوده ميلي لو مال الهوا

اليكم كلماتها


ميلي لو مال الهوا
لاتلومي عليّـا
ياريت نرجع سوا
للعيشة الهنيـة
لأغنيلك عالنوى
قصايد حنينِي
وأخلى الدوالي تميل
تظلل حواليّـا ..

وعالبيدر كان السهـر
ياجفرا يحلالي
وأكتب اسمك عالقمر
بحروف موالي ..
والطير حدّي عبر
سمعته وحكالي
أوعى تغرّب يا حلو
الغربـة ذليّـا ..


والفرقـة كانت غصب
لاتزيدي بعتابك
وعندك خليت القلب
معلّق عــ بوابك
أول مامشيت الدرب
وصلني جوابك
وأنتِ أدرى في حالي
شو اللي صاير فيّـا ..

بكفي ياجفرا دمع
لأرجعلك وأجيلك
نمشي عـ حد النبع
تحكيلي وأحكيلك
عالندى نسقي الزرع
والزاد بمنديلك
نقعد نتريّق سوا
من إيدك وإيديـا


ميلي لو مال الهوا
لاتلومي عليّـا
ياريت نرجع سوا
للعيشة الهنيـة
لأغنيلك عالنوى
قصايد حنينِ
وأخلى الدوالي تميل
تظلل حواليّـا ..



من هنا